ოლიმპიადის სტრუქტურა

სკოლის რაუნდი

სკოლის რაუნდი ტარდება ონლაინ ტესტირების სისტემის საშუალებით. ტესტირებამდე ხდება სკოლის რეგისტრაციის პროცესი და მასწავლებლები რეგისტრირდებიან როგორც თავიანთი სკოლის კოორდინატორები. სკოლების რეგისტრაციის შემდეგ ტესტირების კვირაში მოსწავლეები წერენ ტესტს სკოლაში, რომელიც 25 კითხვას მოიცავს და 40 წუთი გრძელდება. წარმატებული მოსწავლეები მონაწილეობას იღებენ ეროვნულ რაუნდში.

2024 წლის სკოლის რაუნდთან დაკავშირებული დეტალები შეგიძლიათ იხილოთ ბმულზე: https://www.geli.org.ge/ka/projects/26

ეროვნული რაუნდი

ეროვნული რაუნდი მიმდინარეობს მთელი დღის განმავლობაში ღონისძიების ფორმატით. მოწვეული იქნებიან სტუმრები და მოსწავლეებს საშუალება ექნებათ მიიღონ მონაწილეობა პანელურ დისკუსიაში მათთან ერთად. ტესტირების პროცესში მოსწავლეები უპასუხებენ დახურულ და ღია კითხვებს ეკონომიკის საკითხებზე. შერჩეული 10 მოსწავლე, რომელიც ტესტირების შედეგებით გამოვლინდება მონაწილეობას მიიღებს ეკონომიკის საზაფხულო ბანაკში, რომელიც აგვისტოში ტარდება.

ეკონომიკის საზაფხულო ბანაკი

ბანაკში საქართველოს ეროვნული რაუნდის 10 გამარჯვებულთან ერთად უკრაინის ეროვნული რაუნდის 10 მონაწილეც ჩაერთვება. 20 მოსწავლე ერთი კვირის განმავლობაში გაივლის ეკონომიკის და ფინანსების ინტენსიურ კურსს. გარდა სასწავლო ნაწილისა, ბანაკი დატვირთულია ინდივიდუალური და გუნდური აქტივობებით, სტუმრების ვიზიტებით, სამაგიდო თამაშებით და ა.შ. ბანაკის ქართველი მონაწილეებიდან შეირჩევა 5 მოსწავლე, რომლებიც საქართველოს სახელით იასპარეზებენ საერთაშორისო ფინალურ რაუნდზე.  

2023 წლის ბანაკის შესახებ

საერთაშორისო ფინალური რაუნდი

საერთაშორისო ფინალური რაუნდი არის ოფიციალური ღონისძიება თითოეული ქვეყნის 5 საუკეთესო კონკურსანტისთვის, რომელიც ჩვეულებრივ 2-4 დღე გრძელდება სექტემბერში ან ოქტომბერში და ორგანიზებულია ერთ-ერთი პარტნიორი ქვეყნის მიერ. 

კონკურსი ორ ნაწილიანია, წერითი და ზეპირი. თავდაპირველად იქნება წერითი გამოცდა და შემდეგ 10 საუკეთესო შედეგის მქონე მოსწავლე მონაწილეობას მიიღებს ზეპირ გამოცდაში. გარდა კონკურსისა იქნება სხვა დამატებითი აქტივობებიც მონაწილეებისთვის, როგორიცაა სემინარები, გუნდური აქტივობები, ტურები ქალაქში და ა.შ. ეს არის განსაკუთრებული ღონისძიება, რომელიც იძლევა ახალი საერთაშორისო კავშირების დამყარებისა და საუკეთესო მოსწავლეების გაერთიანების შესაძლებლობას.

2023 წლის საერთაშორისო რაუნდის შესახებ