24.11.2025

ეკონომიკის ოლიმპიადის სკოლის რაუნდი 2026

გადახედეთ კითხვა - პასუხის გვერდს აქ დაკლიკებით და თუ თქვენი კითხვა პასუხგაუცემელი დარჩა აუცილებლად მოგვწერეთ: info@geli.org.ge

ოლიმპიადაში მონაწილეობა შეუძლიათ რეგისტრირებული სკოლის მე-10, მე-11 და მე-12 კლასის მოსწავლეებს. სკოლის რეგისტრაცია ხორციელდება ორი გზით:

(i) სკოლიდან ერთი მასწავლებელი დაარეგისტრირებს სკოლას და ოლიმპიადის განმავლობაში იქნება ეკონომიკის ოლიმპიადის სკოლის კოორდინატორი. კოორდინატორი მოსწავლეებს გააცნობს ჩვენგან მიწოდებულ მასალას, ტესტირების დროს გაუწევს მონიტორინგს ტესტის წერის პროცესს.

(ii) მოსწავლე ინდივიდუალურად არეგისტრირებს თავის სკოლას მონაწილედ და ადმინისტრაციას მასთან გვაქვს პირდაპირი კომუნიკაცია ტესტირების პროცესზე.

ეკონომიკის ოლიმპიადის სკოლის რაუნდზე რეგისტრაციისთვის ინფორმაცია შეგიძლიათ ნახოთ ამ ბმულზე: https://www.geli.org.ge/ka/olympiad
 

რეგისტრაციის ბოლო ვადაა 10 თებერვალი.

• -  ოლიმპიადის ონლაინ ტესტირება ჩატარდება 23 - 27 თებერვლის კვირაში, სკოლებში. 10 თებერვლის შემდეგ, დაგიკავშირდებით და შეგითანხმებთ რომელ დღეს გსურთ ტესტის დაწერა მოცემული კვირის განმავლობაში.
• -  მოსწავლეები ტესტს დაწერენ კომპიუტერში ონლაინ ტესტირების სისტემით და უპასუხებენ 25 დახურულ შეკითხვას.
• -  ტესტის ბმულს და ინსტრუქციას ელ. ფოსტაზე მიიღებენ კოორდინატორი მასწავლებლები და ინდივიდუალურად მონაწილე მოსწავლეები ტესტირებამდე რამდენიმე დღით ადრე.
• -  ტესტირებისთვის გამოყოფილია 40 წუთი.
• -  მონაწილე მოსწავლეები მიიღებენ ელ. სერტიფიკატს.
• -  კოორდინატორი მასწავლებლები მიიღებენ ეკონომიკის საერთაშორისო ოლიმპიადის კოორდინატორობის ცნობას.

ტესტირების სისტემა

• - ტესტირებამდე სკოლის კოორდინატორი ან ინდივიდუალურად მონაწილე მოსწავლე ელ. ფოსტაზე მიიღებს ტესტირების სისტემის ბმულს.
• -  ოლიმპიადის მონაწილემ ტესტის დაწყებამდე ტესტირების სისტემაში უნდა გაიაროს რეგისტრაცია, რისთვისაც დასჭირდება პირადი ელ. ფოსტა.
• -  ტესტები გაჯერებულია ლოგიკური მაგალითებით, რაც მოსწავლეებს საშუალებას აძლევს ეკონომიკის სიღრმისეული ცოდნის გარეშე უპასუხონ კითხვებს და აღმოაჩინონ ეკონომიკა მათ ყოველდღიურ ცხოვრებაში.
• -  მოსწავლეებისთვის რეკომენდირებულია გაეცნონ დამხმარე მასალას, რაც დაეხმარება მათ მარტივად გაიგონ ეკონომიკა. დამხმარე მასალა ხელმისაწვდომია ამ გვერდზე, ასევე რეგისტრირებული სკოლის საკონტაქტო პირები მიიღებენ ამ ინფორმაციას ელ. ფოსტაზე.
• - ყველა მოსწავლე, რომელიც დაწერს ტესტს, მისი დასრულებისთანავე მიიღებს ონლაინ სერტიფიკატს, რომელიც შეუძლია ჩამოტვირთოს. ამ სერტიფიკატს მიიღებს ასევე ელ. ფოსტაზე.
• - დაუშვებელია მონაწილის მიერ ტესტის განმეორებით დაწერა.
• - მოსწავლეს შეუძლია ტესტი დაწეროს ქართულ ან ინგლისურ ენაზე.

დამხმარე მასალა

1. ტესტისთვის მოსამზადებელი ძირითადი სასწავლო მასალა შეგიძლიათ წაიკითხოთ ბმულზე:

• https://www.geli.org.ge/ka/news?page=1

2. დამატებითი მოსამზადებელი მასალა:

საღი აზრის ეკონომიკა და ბიბლიოთეკა

• მარტივ ენაზე ახსნილი ეკონომიკური საკითხები, ვიდეოებითა და ესეებით: https://www.econfun.org/ka/get-the-book
• https://www.econfun.org/en/library

"საღი აზრის ეკონომიკა ორჯერ ორივით მარტივად" და "5 წუთი ეკონომიკაზე" (ვიდეოები გვერდის ბოლოში)

• http://www.geli.org.ge/ka/economics

დაგვიკავშირდით: info@geli.org.ge